1   योजनेचे नांव - ७५ % टक्के अनुदानावर शेतकऱ्यांना साहित्य पुरविणे

योजनेचे प्रारुप:- जिल्हा परिषद निधीमधुन जिल्हयातील शेतकऱ्यांना त्यांच्या पसंतीने उत्तम दर्जाचे (ISI Mark) सुधारीत औजारे/ साहित्य वाजवी किमतीत मिळावीतयासाठी जिल्हा परिषदेकडुन 75% अनुदानावर सदर योजना शासनाच्या डीबीटी धोरणानुसार राबविली जाते. या योजनेंतर्गत औजारांचा पुरवठा हा वस्तू स्वरुपात करण्याऐवजी खरेदी समितीने निश्चित केलेल्या सदर औजाराच्या मूल्याच्या 75% इतकी रोख रक्कम/अनुदान लाभार्थ्यांच्या बॅँक खात्यात जमा करण्यात येते. सदर योजनेचा लाभ अल्प, अत्यल्प व जास्तीत जास्त 10 एकर पर्यंत क्षेत्र असलेलया भू-धारकांना दिला जातो.

सदर योजनेचा लाभ घेणेसाठी शेतकऱ्यांनी खालील कागदपत्रांची पुर्तता करणे आवश्यक आहे.

1) संबंधित शेतक-याने विहीत कालावधीत आवश्यक कागदपत्रांच्या (7/12 ,8 अ तलाठयाकडील उतारा, आधारकार्ड/ ओळखपत्र, खरेदी करावयाच्या यंत्र/औजारे परिक्षण केल्याचा पुरावा) स्वयंसाक्षांकित प्रती सादर करावयाच्या आहेत.

i)लाभार्थी स्वत: शेतकरी असावा.
ii)धारण क्षेत्र जास्तीत जास्त 10 एकरपर्यंत असावे.
iii)अल्पभूधारक अत्यल्पभूधारक शेतक-यांना प्राधान्य.
iv)अनु.जाती/जमाती, इतर मागास, खुल्या सर्व संवर्गातील शेतकरी अवजारे साहित्य मिळण्यास पात्र राहतील.
v)आधारकार्ड असणे आवश्यकते बँक खात्यास जोडणे आवश्यक राहील.
Vi)शेतक-याने उपरोक्त नमुद अटी व शर्तीनुसार परिपूर्ण प्रस्ताव punezp.gov.in या शासनाच्या वेबसाईटवर ऑनलाईन भरावा. प्राप्त प्रस्तावांची छाननी करुन गटविकास अधिकारी पंचायत समिती यांचे मार्फत पात्र लाभार्थी यादी जिल्हा स्तरावर मागविण्यात येऊन कृषि समिती सभेने अंतिम निवड केलेल्या लाभार्थ्याना लाभ देण्यात येईल.

2) केंद्र व राज्य शासनाच्या अधिकृत सक्षम तपासणी संस्थांनी ज्या यंत्र/औजाराचे रितसर परिक्षण(Testing) करुन ते BIS अथवा अन्य सक्षम संस्थानी निश्चित केलेल्या प्रमाणकानुसार(Standards)/तांत्रिक निकषांनुसार असल्याचे प्रमाणित केले असेल, त्याच यंत्र/औजाराची खुल्या बाजारातून शेतक-याने खरेदी करावयाची असून अनुदानाकरिता देयक सादर करताना त्याचे प्रमाणपत्र/तपासणी अहवाल(छायांकितप्रत) सादरकरणे आवश्यक राहील.

3) योजनेचा टाईप प्लॅन:-
प्रति लाभार्थी शेतकऱ्यास जिल्हा स्तरीय खरेदी समितीने निश्चित करुन दिलेल्या खरेदी किमतीच्या 75टक्के अनुदानमर्यादेत
1) 5 एच. पी. ओपनवेल विदयुत मोटार पंप संच,
2) प्लॅस्टिक ताडपत्री (प्लास्टिक ताडपत्री हूक जॉईन्ट 6X6 मिटर)
3) 90 एम. एम. पी. व्ही. सी. पाईप,
4) बॅटरी ऑपरेटेड नॅपसॅक स्प्रे पंप
या कृषि औजारे बाबींचा लाभ मिळणेसाठी शेतकऱ्यांनी प्रथम औजारांची खरेदी करुन नंतर त्यांच्या खात्यावर त्या त्या साहित्याची 75% अनुदानाची रक्कम वर्ग करणेबाबत नियोजन करण्यात येते.


लाभ दिल्या जाणाऱ्या बाबी दिले जाणारे अनुदान (किंमतीच्या 75% किंवा कमाल खालील प्रमाणे)
1) 5 एच. पी. ओपनवेल विदयुत मोटार पंप संच र.रु. 15,750/-
2) 90 एम. एम .पी. व्ही. सी. पाईप(20नग) र.रु. 13,200/-
3) प्लॅस्टिक ताडपत्री र.रु. 2,325/-
4) बॅटरी ऑपरेटेड नॅपसॅक स्प्रेपंप र.रु. 3,070/-

अर्ज करा